https://onechelseasomfans.blogspot.com/ Skip to main content

Maxaa laga filayaa Chelsea kulanka maanta ?


 

Chelsea ayaa galabta xiliga casir liiqa marti soori doonto kooxda Dawacoowyinka kulan ka tirsan horyaalka.

Blues oo si gaabis ah ku furatay fasal ciyaareedka, iyadoo 3 da natiijo kala duwan ka heshay 3 dii ciyaar ee ugu horeysay xili ciyaareedkan ayaa soo dhaweyn doonto dhigeeda Foxes oo iyaguna dhankooda si liidnaasho ah ku bilowday.

Waloow uu soo laabtay Kova hadana waxaa wili maqan Kante taasoo ka dhigan in Blues qadkeeda dhexe uu wili fadhin fasalkaan.

Sidoo kale macalin Tuchel iyo daafaca Koulibaly ayaa ganaaxyo kala duwan kuwada seegi doono kulankaan iyadoo uusan Tuchel soo istaagi doonan halka uu tababaraha ka maamulo ciyaarta.

Hadaba markii la arkay 3 natiijo ee kala duwamaa iyo bandhigyadii ay sameysay kooxda waxaa suaal leyska weydiinayaa habka ay maanta ula tacaamuli karto dawacooyinka.

Maxaa laga filayaa Chelsea kulanka maanta ?

Jawaab 2 wiji leh ayaana u haayaa suaashan waxeyna noqonayaan sidaan hoose

1- Waxaa laga filayaa Guul

Waa hadii ay kooxda u ciyaarto si ay xamaasad ka muuqato sida ciyaartii Spurs, waxaana dhiig cusub noqon kara Kovacic oo soo kabtay, waxaana macquul ah in uu wax badan ka badalo dhaxda oo ah halka ay kooxda gaabiska ka eheed kulankii Leeds.

Hadii ay taas dhacdo oo ay kooxda si guul raadis ah u ciyaarto ma aaminsani in ay na hor istaagi karto Foxes oo ay iyaduba teeda heysato.

Guul 2-0 ah ayaana ku saadaaliyay iyadoo uu Sterling dhalin doono Goolkiisii 1-aad ee Bules.

2- Waxaa laga filayaa natiijo xumo kale

Waa hadii ay kooxda u ciyaarto si ha yaacdo ah sidii ay sameysay kulankii Leeds oo todobaadkii tagay.

Dhibaatooyinka taas keeni karana waxaa ugu horeeyn karo maqnaashaha Kante iyo Koulibaly, Tuchel oo aan keydka soo fariisan karin iyo bandhig xumada Mendy ee baryahaan oo la raaciyay baahida gool dhalis ee kooxda heysato.

Tuchel oo ciyaartaan kor ka maamulayo lagama filaayo in uu isticmaalo system ka duwan kiisii caada u ahaa ee Back 3 waxaana Silva wehlin kara James iyo qof kale taasoo iyadana lugooyo kale noqon doonta.

Hadii ay taas dhacdo waxaa la filayaa in ay Chelsea barbaro gali doonto maadaama Foxes iyaduba ay bandhig liito sameyneeso.

Saadaasha markaasna waa barbaro 1-1 ah.

Maxey kula tahay adiga oo aad ka fileysaa Ciyaarta maanta ?

Comments

Post a Comment