Faalo - Maxaa sabab u ah biloowashada xun ee kooxda ?

 

Sida aan dhamaanteen dareemi karno, Chelsea si wamaagsan kuma bilaaban xili ciyaareedkan, tiro 4 dhibcood ah ayeyna ka aruusatay 3 kulan oo ay ciyaartay horyaalka, taasoo ka hooseysa xitaa kala barka dhibcihii ay hel kartay oo ah 9 dhibcood.

Saadaasha inta badi dadka falanqeeyo kubada iyo habka ay kooxda ku bilaabatay ayaa haatan u muuqanaya kuwa is waafaqsan, taasna waxey abuuri kartaa cabsi ku saleesan in ay kooxda halis u gasho usoo bixitaanka 4-ta sare.

Waloow wili uu furan yahay suuqa kala iibsiga kooxduna ay sameyn karto isbadalo fara badan, sidoo kalana ay xal u raadsan karto boosaska ay dhibaatooyinka ka heystaan ee weerarka, hal buurka dhaxda iyo xoojinta difaacaba ah.

Hadaba waxaan halkaan idiinkugu soo gudbinayaa tiro 3 waxyaabood ah taasoo aan isleeyahay waa caqabada ugu badan ee keentay bilowga xun iyo ififaalada liidataba.👇

1- Tuchel iyo Qaab Ciyaareedkiisa.

Ma dhaliilayo Tuchel macalin ahaan iyo Tatico ahaanba balse dhaliisha aan u haayo ee hoos u dhaca ku wado kooxda ayaa ah in uu ku liito la tacaamulka ciyaartoda iyo maareeyntooda marka la joogo qolka libiska, intaas uguma sii simayo waxaan kaloo ku dhaliilayaa adeegsiga 1 hab ( Back three ) kaasoo u muuqdo mid fashilmay.

Dhanka qaab ciyaareedkiisana waxuu boosaskoodii saxda ahaa horay uga lumiyay Mount iyo Havertz, waxuuna haatan ka luminayaa qaar kale oo sida James, RLC iyo Sterling oo uu u adeegsanayo qaab ka duwan hanaankooda saxda ah ee u ciyaari yaqaanaan.

Hadii uu Tuchel xal helin maareynta qolka labiska iyo ka ciyaarsiinta xidig walbo booskiisa saxan iyo adeegsiga qaab dhaama midkan 3-da gadaale ah, Chelsea waxey u nugushahay in aysan la imaan wax ka weyn waxa ay haatan soo bandhigeeso.

2- Hal Abuur Xumada Qadka Dhexe.

Intiina badan baahida ugu weyn ee kooxda waxaad u heysataan weerariyahanada oo liita awgeeda, balse aniga taas in laga horeeyo ayaan aaminsanahay.

Goorma ayuu gool dhalin karaa weerariyahan ? Dabcan marka uu fursad helo.

Kawaran hadii uusan jirin qof fursad abuuri kara oo aan James oo dadab midig ah eheyn ? Halka qadkii dhexe aanan maanta midkoodna looga fadhin inuu 10 caawin sameeyo xili ciyaareedkii ? Waa caqabada ugu weyn oo sababtay gool yarida kooxda sida aan qabo.

FG - Mount ma ilowsan yahay ayaad isleedahay balse ogow MM waxa uu inta badan caawinta ku sameeyo waa kubada dhulka laga tuuro ee Set Pieces ka loo yaqaano sida Koornooyinka, taasna ma ahan wax uu quud ka sugi karo weeririyahan goolal laga sugaayo.

Marka laga yimaado Mount-na ma jiro xidig kale oo aan James eheyn kaasoo sameyn karo 10 caawin iyo wax ka badan.

Ogow Drogba iyo Costa waxey heysan jireen Lampard iyo Cesc oo kubada fadhigooda ugu geyn jiray.

3- Weerariyahanada Oo Aan Tayo Fiican Leheen.

Ma joogo Chelsea qof looga tashan karo 20 Gool xili ciyaareedkan, Sterling waa dhiig cusub balse sida ay u socdaan waa far kaliya fool ma dhaqdo, waana qasab in ay kooxda hesho weerariyahano ama xitaa 1 weerariyahan kaasoo looga tashan karo 20 Gool, waa hadii ay kooxdu tartan dooneyso.

Pulisic, Ziyech, Odoi, Havertz, Broja iyo Mount oo isana lagu qasbo weerarka dhamaantooda ma ahan kuwa damaamad qaadi kara 20 gool iyo ka badan waana wax aad u adag in ay koobab hanato koox aan leheen il ay ka hesho goolal badan.

Xili hore ayeyba eheyd in ay kooxda doonato weerariyahan balse wili wey heysataa jaanis oo suuqii wuu furan yahay, balse dooqyada ay haatan heli karto ilama ahan in ay noqon karaan kuwii ku haboonaa baahid kooxda, balse yaan waxba hordhicin aan aragno waxii isbdalo.

Adiga ahaan ma igu raacsan tahay ? Maxaadse ku dari laheyd ?